Hargeysa - Sida lawada xasuusto ee lawada ogyahay Qarankan Somaliland laga soo bilaabo lasoo noqoshadii xoriyada 1991 waxa uu soo maray marxalado iyo xaalado kala duwan oo lahaa kuwa colaadeed, khilaafaadyo siyaasadeed, dib u heshiisiino, dib u dhis qaran, yagleelid haykal dawladnimo iyo marxaladan u dambaysay ee aynu kaga soo dhalan roganay nidaam beeleedkii oo ah hab dimoqoraadiya oo ku dhisan xisbiyo badan,

run ahaantii maraaxilkaa kala duwan ee uu dalku soo maray ma aha kuwa si hawl yar lagaga soo gudbay balse waxaa lagala soo kulmay tacab iyo hawl qof waliba dareemi karo ama uu lasocdayba runtiina waxaa xalinta khilaafadaa hore inoo soo maray u guntaday odayada Golaha Guurtida oo ahaa cida kaliya ee lagu baxsan jiray marka ay xaaladi aloosanto.

Markaynu usoo noqono maraaxilkan xukuumada hadda ee Madaxweyne Rayaale waxa uu qarankan hogaanka u hayey mudo sideed sanno ku dhawaad ah, marka la isku daro sanadkii dhaxalka ee u horeeyey iyo shantii sanno ee xalka ahaa, iyo labadan sano ee u dambeeyey oo ahaa kursiyahow kaama kaco.

Waxa isweydiinle mudadaa maxay xukuumada rayaale dalka u qabatay ee maanta lagu dooran karaa? Waxaa lagawada dharagsan yahay oo aan shaki ku jirin wax qabad daayoo in uu dalka galiyey waxaan taariikhda hore usoo marin, waxaa la odhan jirey sababihii ugu weynaa ee xooleheena Ssacuudiga u joojieyey waxaa kamid ahaa cunaqabatayn dhaqaale oo cidhiidhi galiya nolosha shacabka Somaliland oo ujeedada cadawguna ahayd in isbedel ku yimaad fikirka muqadiska ah ee madaxbanaanideena, waxa taa lamid ah oo shacabku ogyahay afcaasha aan tirada lahayn ee mudada xukuumada Rayaale xilka haysay Qrankan iyo Shacabkan gayeysiisay oo lamid ah shirqooladaa cadawga hore ugu maleegeen oo kale, sida:

- Cunaqabatay Dhaqaale ( Xoolihii iyo Shidaalkii)

- Xidhiidh-xumada wadamadii aynu dariska ahayn oo xadka ka baxday , iyo bulshadii caalamka oo dhabarka inoo sii jeedisay kadib markii ay ogaadeen in xukuumadan Rayaale ay qaaday dariiqii Kaligii Taliska iyo Cabudhinta oo ay dagaal kula jirto Dimoqoraadiyadii Curdinka ahayd ayna ugu dambaysay laalistii Diwaangalinta tacabka badan iyo dhaqaalaha badaniba ku baxeen, waxaas oo dhami waa Shirqool Qaranka loo maleegay looguna talagalay curyaamis iyo inaynaan beesha caalamka kamid noqon.
Maxaynu Ku Dooranaa UDUB? Qalinkii C/rasaaq Sh Cali Askar

Waxaan kusoo gunaanadayaa Xukuumada dhaxalsiisya Qarankan arimahaa dusha aan kusoo xusay iyo inbadan oo kale oo aanan xusin oo hadda ay xaaladi marayso xumaan iyo wanaag, waxqabad iyo waxqabad la’aanba anigaa madaxweyne ah!!!!

Maxaa inala gudboon ?

Waxaan rumaysanahay in ay hogaamiyaasha Udub og yihiin in aan cidi dooranayn balse ujeedada ugu wayni ay tahay inay ku ridaan khalkhal iyo jahawareer dalka iyo shacabka maatida ah , sidoo kale Golihii Odayada ee lagu baxsan jirey markay tan oo kali soo ifbaxdo ayaa gudahoodii ay ka dhextaagan tahay kala qaybsanaan ku aadan marxaladn lagu jiro. Waxaan rumaysanahay in uuna Rayaale dheg u dhigayn go’aamaadaa ay Baarlamaanku gaadheen, waa in shacabku foojignaan muujiyaa,

Maanta waa maalintii shacabka

waxaa la inooga baahan yahay badbaado qaran, “ rag aamusay iyo riyo aamusayba reerkoodii gabe” waxaa kali ah oo aynu qaranka ku badbaadin karnaa in aanu muujino dareenkeena dhabta ah iyo gacmaha oo aynu ka laabano xisbigan talada haya ee duulaanka ku ah qaranimada, cida dhibta ugu weyni soo gaadhaysaa waa inaga , shacabka weeyi. Maanta haddaad garan waydaan beritaydun garan.

Wabillahi tawfiq

C/rasaaq Sh Cali Askar
Hargeisa, 4418174